បង្គាឆាគ្រាប់ឈូក

សួរស្តីប្រិយមិត្ត​ និង​បងៗដែល​ជា​ស្ត្រី​មេផ្ទះ​គ្រប់​រូប ថ្ងៃនេះ​ មង្គលការ នឹងធ្វើការ​បង្ហាញ​ពី​វិធី​ធ្វើ​ម្ហូប​ដ៏​ឆ្ងាញ់​មួយ​មុខ​ទៀត​មកចែក​ជូន​ អ្នក​ទាំង​គ្នា​ឲ្យបាន​ស្គាល់ គឺ បង្គា​ឆា​គ្រាប់​ឈូក។

 

+ គ្រឿងផ្សំ

- បង្គា ៥០០ក្រាម បកសំបក​យកក្បាលចេញ

- គ្រាប់ឈូក ១ចាន (ស្ងោរឆ្អិន​ពុះយក​បណ្តូល​ចេញ)

- ផ្សិត ២៥០ក្រាម

- សាច់ជ្រូក ២០០ក្រាម (ចិញ្ច្រាំ)

- គល់ខ្ទឹម ៥គល់

- ម្រេច ១ស្លាប​ព្រាកាហ្វេ

- ខ្ទឹមស ៤កំពឹសចិញ្ច្រាំ

- អំបិល ១ចិប

- ស្ករស ២ស្លាបព្រាកាហ្វេ

- ប៊ីចេង ១ស្លាបព្រាកាហ្វេ

- ទឹកត្រី ១ស្លាបព្រាកាហ្វេ

- ទឹកស៊ីអ៊ីវ ២ស្លាបព្រាកាហ្វេ

- ប្រេងឆា ២ស្លាបព្រាបាយ

- ជីវ៉ាន់ស៊ុយ ដាក់លំអរពេលឆ្អិនដួសដាក់ចាន

+ វិធីធ្វើ

១. ដំបូងដាក់ប្រេងឆាចូលក្នុងខ្ទះទុកឲ្យក្តៅ បន្ទាប់​មកដាក់​ខ្ទឹមសចូលឆាឲ្យក្រហមធំខ្លិនឈ្ងុយ​ដាក់សាច់ជ្រូក​ចូលឆាឲ្យ​ សាច់​រាងឆ្អិន​បន្តិចសិន។

២. បន្ទាប់មកដាក់បង្គាឆាចូលជាមួយ រួចហើយដាក់ ទឹកត្រី ទឹកស៊ីអ៊ីវ អំបិល ស្ករស និងប៊ីចេងឆាបន្តទៀត។

៣. ដាក់គ្រាប់ឈូកចូលឆាបន្តិចសិន ចាំដាក់ផ្សិត ឆាមួយត្រឡប់ដាក់គល់ខ្ទឹម និងម្រេចឆាបន្តិចទៀតជាការស្រេច៕

ដោយ៖ សុខឡៃ

Source: mungkulkar.com