|
នៅថ្ងៃនេះ មង្គលការ
សូមលើកយម្ហូបមួយមុខទៀតមកបង្ហាញជូនប្រិយមិត្តទាំងអស់គ្នាគឺ
(ភ្លាក្តាមសមុទ្រ)។ ដូច្នោះដើម្បីកុំឲ្យខាតពេលយូរ
សូមអនុវត្តជាមួយមង្គលការទាំងអស់គ្នា។
+ គ្រឿងផ្សំ
- ក្តាមសមុទ្រ២ បកឲ្យស្អាតកាត់ ឬពុះជាដុំតូចល្មម
- ទឹកក្រូចឆ្មា ៦ស្លាបព្រាបាយ
- ម្ទេស ដាក់តាមការចូលចិត្តហាន់តូចៗ
- ខ្ទឹមស ៥កំពឹសហាន់ជាចំណិត
- ខ្ទឹមក្រហម ៣ដុំហាន់ជាចំណិត
- អំបិល ១ស្លាបព្រាកាហ្វេ
- ម្សៅស៊ុប ១ស្លាបព្រាកាហ្វេ
- ប៊ីចេង កន្លះស្លាបព្រាកាហ្វេ
- ទឹកត្រី ៤ស្លាបព្រាកាហ្វេ
- ស្ករស ៤ស្លាបព្រាកាហ្វេ
- ម្ទេសហាវៃ ១ចំហៀងផ្លែហាន់តូចល្មមវែងៗ
- ខ្ទឹមបារាំង ១ចំហៀងផ្លែហាន់តូចៗ
- ប៉េងប៉ោះទុំ ១ផ្លែហាន់បន្ទះតូចៗល្មម
- ម្ទេសផ្លោកខ្មែរ ១ផ្លែ (ទុំ)ហាន់តូចល្មមវែងៗ
- ជីអាណា ៥-៦សន្លឹកកាត់២ថ្នាំងដៃ
- ជីអង្កាម ១ក្តាប់
- សាឡាដ ១៥០ក្រាម
- ជីវាន់ស៊ុយ ដាក់តាមការចូលចិត្ត
+ វិធីធ្វើ
១. មុខនដំបូងត្រូវយកក្តាមដាក់ចូលក្នុងចាន
បន្ទាប់មកដាក់ទឹកក្រូចឆ្មា ៤ស្លាបព្រាបាយ, ម្ទេស, ខ្ទឹមស
៣កំពឹស, ខ្ទឹមក្រហម ២ដុំ និងអំបិល
រួចហើយកូរច្របល់បញ្ចូលគ្នាឲ្យគ្រឿងចូលក្នុងសាច់
ក្រាមរួចហើយទុកដោយឡែកសិន។
២. យកចានចង្កឹះមួយដាក់ ទឹក្រូចឆ្មា, ខ្ទឹមក្រហម, ខ្ទឹមស, ស្ករស,
ប៊ីចេង, ម្សៅស៊ុប, ទឹកត្រី និងម្ទេសកូរបញ្ចូលគ្នាទុកដោយឡែកសិន។
៣.
ដាក់បន្លែចូលទៅក្នុងចានក្តាមដែលបានលាយគ្រឿងទុកម្តងរួចមកហើយ
ដែលមានបន្លែដូចជា ម្ទេសផ្លោកខ្មែរ (ទុំ), ជីអាណា, ខ្ទឹមបារាំង,
ម្ទេសហាវៃ
និងគ្រឿងផ្សំដែលបានលាយទុកក្នុងចានចង្កឹះមកចាក់ចូលដែរ
រួចហើយច្របល់បញ្ចូលគ្នារហូតចូលគ្រឿងបានសប់
និងដាក់ជីអង្កាមតាមក្រោមច្របល់ថែមបន្តិចទៀត។
៤. យកចានរាបស្មើមួយមករៀបសាឡាដ និងប៉េងប៉ោះ
បន្ទាប់មកយកក្តាមដែលបានលាយគ្រឿង
ជាមួយបន្លែរួចរាល់ហើយមកដាក់ចូលក្នុងចាននោះដែរ
និងចុងក្រោយដាក់ជីវ៉ាន់ស៊ុយពីលើជាការស្រេច៕
ដោយ៖ សុខឡៃ
Source: mungkulkar.com
