កង្កែបឆាសៀងខ្មៅ

កង្កែប​គឺជា​អាហារ​មួយ​ប្រភេទ​ដ៏​ឆ្ងាញ់ ហើយ​មាន​មនុស្ស​ជា​ច្រើន​ណាស់​ដែល​ចូល​ចិត្ត​នូវ​រស់​ជាត់​របស់​វា។ ដូច្នេះ​នៅ​ក្នុង​ថ្ងៃនេះ មង្គលការ សូម​ធ្វើ​ការ​បង្ហាញ​ពី​វិធី​ធ្វើ​ម្ហូប​មួយ​មុខ​ដែល​ផ្សំ​ឡើង​ពី​សាច់​ កង្កែបគឺ កង្កែប​ឆាសៀង​ខ្មៅ។

+ គ្រឿងផ្សំ
- កង្កែប ៤កាត់ជាដុំកុំតូចពេក
- ខ្ទឹមស ៤កំពឹសចិញ្ច្រាំ
- ស្រាចិន ១ស្លាបព្រាបាយ
- សៀងខ្មៅ ២ស្លាបព្រាបាយ
- ប្រេងខ្យង កន្លះស្លាបព្រាបាយ
- ស្ករស ១ស្លាបព្រាកាហ្វេ
- ម្សៅស៊ុប ២ស្លាបព្រាកាហ្វេ
- ប៊ីចេង កន្លះស្លាបព្រាកាហ្វេ
- ប្រេងឆា ១ស្លាបព្រាបាយ (ដាក់ឆា)

+ វិធីធ្វើ
១. ជាដំបូងត្រូវយកកង្កែបមកប្រឡាក់ជាមួយម្សៅស៊ុប ១ស្លាបព្រាកាហ្វេ រួចហើយទុកឲ្យចូលជាតិបន្តិចសិន ទើបយកទៅដាក់បំពងរហូតទាល់តែឆ្អិនដួសទុកដោយឡែកសិន។
២. ដាក់ប្រេងឆាចូលក្នុងខ្ទះ ពេលប្រេងឆាក្តៅហើយដាក់ខ្ទឹមស ឆាឲ្យឈ្ងុយដាក់សៀងខ្មៅ និងស្រាចិនចូលឆាបន្តិចសិន។
៣. យកកង្កែបដែលបានបំពងទុកដាក់ចូលឆាមួយត្រឡប់ថែមទឹកបន្តិចឆាមួយទៅពីត្រឡប់ទៀតផ្សំគ្រឿងបន្ថែមមាន ប្រេងខ្យង ម្សៅស៊ុប ប៊ីចេង និងស្ករស ឆាបញ្ចូលគ្នាឲ្យចូលគ្រឿងសប់ជាការស្រេច៕

ដោយ៖ សុខឡៃ
Source: mungkulkar.com